'கந்தர் அலங்காரத்தில்' செந்திலாண்டவன்:

அருணகிரிப் பெருமான் அருளியுள்ள (1 + 107 திருப்பாடல்களைக் கொண்ட) கந்தர் அலங்காரத் தொகுப்பில், பின்வரும் 5 அற்புதத் திருப்பாடல்கள் திருச்செந்தூர் தலத்திற்குரியவை, செந்திலாண்டவனின் திருவருளைப் பரிபூரணமாய்ப் பெற்றுத் தரவல்லவை, 

(திருப்பாடல் 25)
தண்டாயுதமும் திரிசூலமும் விழத் தாக்கிஉன்னைத்
திண்டாட வெட்டி விழவிடுவேன், செந்தில் வேலனக்குத்
தொண்டாகிய என் அவிரோத ஞானச் சுடர்வடிவாள்
கண்டாயடா அந்தகா, வந்துபார் சற்றென் கைக்கெட்டவே 

(திருப்பாடல் 30)
பாலென்பது மொழி, பஞ்சென்பது பதம், பாவையர்கண்
சேலென்பதாகத் திரிகின்ற நீ, செந்திலோன் திருக்கை
வேல்என்கிலை; கொற்ற மயூரம்என்கிலை; வெட்சித் தண்டைக்
கால்என்கிலை, மனமே எங்ஙனே முத்தி காண்பதுவே 

(திருப்பாடல் 40)
சேல் பட்டழிந்தது செந்தூர் வயற்பொழில், தேங்கடம்பின்
மால் பட்டழிந்தது பூங்கொடியார் மனம், மாமயிலோன்
வேல் பட்டழிந்தது வேலையும் சூரனும் வெற்பும், அவன்
கால்பட்டழிந்த(து) இங்கென் தலைமேல் அயன் கையெழுத்தே 

(திருப்பாடல் 46)
நீயான ஞான விநோதம்தனை என்று நீஅருள்வாய்
சேயான வேற்கந்தனே; செந்திலாய், சித்ர மாதர்அல்குல் 
தோயா உருகிப் பருகிப் பெருகித் துவளுமிந்த
மாயா விநோத மனோ துக்கமானது மாய்வதற்கே 

(திருப்பாடல் 106)
கொள்ளித் தலையில் எறும்பது போலக் குலையும்எந்தன் 
உள்ளத் துயரை ஒழித்தருளாய், ஒரு கோடிமுத்தம் 
தெள்ளிக் கொழிக்கும் கடற்செந்தில் மேவிய சேவகனே,
வள்ளிக்கு வாய்த்தவனே, மயிலேறிய மாணிக்கமேa