வள்ளிதேவியோடு திருக்கயிலையில் அம்மையப்பரிடம் ஆசி பெறுதல் (கந்தபுராண நுட்பங்கள்):

திருப்பரங்குன்றத்தில் நடந்தேறிய தெய்வயானை அம்மை திருமணத்திற்குப் பின்னர் தேவலோகம் சென்று இந்திரனுக்கு முடிசூட்டுவித்துப் பின் அங்கிருந்து திருக்கயிலை சென்று சிவசக்தியரிடம் ஆசி பெற்று இறுதியாய்க் கந்தமலைக்கு எழுந்தருளிச் செல்வதாகக் கச்சியப்ப சிவாச்சாரியார் பதிவு செய்கின்றார். 

மற்றொருபுறம் வள்ளி மலையில் நடந்தேறிய திருமண நிகழ்விற்குப் பின்னரோ, சிறிது காலம் திருத்தணியில் எழுந்தருளியிருந்து அதன் பின்னர் வள்ளி தேவியோடு நேராக கந்தமலைக்கு எழுந்தருளிச் சென்று விடுவதாகவே கச்சியப்ப சிவாச்சாரியார் விவரிக்கின்றார். 

எனினும் வள்ளிதேவியுடன் கந்தப் பெருமான் அம்மையப்பரிடம் ஆசி பெறும் திருக்காட்சியையும் அடியவர்களோடு சேர்ந்து தரிசித்து இன்புறவே இத்திருக்காட்சி உருவாக்கப் பெற்றுள்ளது (ஓம் சரவண பவ)!!!